ප්රදේශ රැසකට තද වැසි සහ තද සුලං ඇති කරමින් ගැඹුරු පීඩන අවපාතය අද සවස දිවයිනට ඇතුළු වීමට නියමිත බව කාලගුණ විද්යා දෙපාර්තමේන්තුව පවසයි.
ශ්රී ලංකාවට ගිනිකොන දෙසින් බෙංගාල බොක්ක මුහුදු ප්රදේශයේ වර්ධනය වී ඇති ගැඹුරු පීඩන අවපාතය හේතුවෙන් අද (09) දිනයේ දිවයිනේ කාලගුණික තත්ත්වයේ දැඩි වෙනසක් සිදුවිය හැකි බව කාලගුණ විද්යා දෙපාර්තමේන්තුව නිවේදනය කරයි.
පීඩන අවපාතයේ ගමන් මග කාලගුණ විද්යා දෙපාර්තමේන්තුව අද අලුයම 04:00 ට නිකුත් කළ නිවේදනයට අනුව, මෙම පද්ධතිය මඩකලපුව නගරයට කිලෝමීටර් 200ක් පමණ ගිනිකොණ දෙසින් පිහිටා ඇත. මෙය තවදුරටත් වර්ධනය වෙමින් වයඹ දෙසට ගමන් කරනු ඇති අතර, අද සවස් කාලයේදී පොතුවිල් සහ ත්රිකුණාමලය අතර ප්රදේශයකින් ශ්රී ලංකාවේ වෙරළ තීරය හරහා ගොඩබිමට ඇතුළු වනු ඇතැයි අපේක්ෂා කෙරේ.
වැසි තත්ත්වය පීඩන අවපාතයේ බලපෑම හේතුවෙන් දිවයිනේ බොහෝ ප්රදේශවල අහස වලාකුළින් බරව පවතින අතර පහත සඳහන් ප්රදේශවලට තද වැසි ඇතිවිය හැක:
මි.මී. 100 ඉක්මවූ තද වැසි:
උතුරු සහ උතුරු-මැද පළාත්වලත්, මාතලේ, ත්රිකුණාමලය සහ පුත්තලම දිස්ත්රික්කවලත් ඇතැම් ස්ථානවලට.
මි.මී. 50-75 අතර තද වැසි:
මහනුවර, නුවරඑළිය සහ මඩකලපුව දිස්ත්රික්කවලට.
සෙසු ප්රදේශවලට සවස් කාලයේදී හෝ රාත්රී කාලයේදී තැනින් තැන වැසි හෝ ගිගුරුම් සහිත වැසි ඇති විය හැක.