ලංකා ඛනිජ තෙල් නීතිගත සංස්ථාව (Ceylon Petroleum Corporation) හදිසි තීරණයක් ගෙන තිබෙනවා. ඒ අනුව, බූලිවලට සහ බැරල්වලට ඉන්ධන (පෙට්‍රල්, ඩීසල්) නිකුත් කිරීම වහාම ක්‍රියාත්මක වන පරිදි නවතා දමා තිබෙනවා.
පිරවුම්හල්වලට (පෙට්‍රල් ස්ටේෂන්) පාරිභෝගිකයන් බූලි සහ බැරල්වලට ඉන්ධන ලබාගැනීමට පැමිණීම නිසා අනවශ්‍ය තදබදයක් ඇති වන බවත්, පෝලිම් දිගු වන බවත් වාර්තා වී තිබෙනවා. මේ නිසා තමයි, සංස්ථාව මේ තීරණය ගත්තේ.
සියලුම ඉන්ධන පිරවුම්හල් හිමියන්ට මේ ගැන දැනුම් දී ඇති අතර, නීති කඩකරන අයට විරුද්ධව දැඩි ක්‍රියාමාර්ග ගන්නා බවත් සංස්ථාව අවධාරණය කරනවා.
තවද, ලංකා ඛනිජ තෙල් නීතිගත සංස්ථාව පවසන්නේ රටේ ප්‍රමාණවත් ඉන්ධන තොග තිබෙන බවත්, අනවශ්‍ය ලෙස බිය නොවී කටයුතු කරන ලෙසත්ය.