පසුගිය වෙසක් පොහොය නිමිත්ත කරගනිමින් 2025 මැයි 13 වන දින හොරණ, කුඩා උඩුවේ ගයාන් සංජීව මහතාගේ නිවාස පරිශ්‍රයේදී ප්‍රථම වතාවට ප්‍රයිඩ් රයිස් දන්සැලක් පැවැත්විණි. Lak News 99 වාර්තාකරු පවසන පරිදි, මෙම දන්සැල සඳහා දහස් ගණනක ජනතාවක් සහභාගී වූහ.
දානය යනු බෞද්ධ සංස්කෘතියේ අත්‍යවශ්‍ය අංගයක් වන අතර එය දෙන තැනැත්තාට මෙන්ම ලබන්නාටද යහපතක් උදාකර දෙන පින්කමක් ලෙස සැලකේ.
මෙම දන්සැලේ විශේෂත්වය වන්නේ ගයාන් සංජීව මහතා තම පුද්ගලික ධන පරිත්‍යාගයෙන් මෙම උතුම් කර්තව්‍යය සිදු කිරීමයි. කුඩා උඩුව ගම්වාසීන්ගේ ශ්‍රම දායකත්වයද ලබාගෙන ඔහු මෙම දන්සැල සංවිධානය කර තිබූ අතර, එම උතුම් කටයුත්තට ගම්වාසීන් මෙන්ම දන්සැල් පරිශ්‍රයට පැමිණි ජනතාවද ඔහුට ප්‍රශංසා කළහ.
ගම්වාසීන් පැවසුවේ ගයාන් සංජීව මහතා ගම්වැසියන් සමඟ ඉතා සුහදශීලීව එම ප්‍රදේශයේ ජීවත් වන බවයි. ඔහුගේ මෙම ක්‍රියාව කුඩා උඩුව ප්‍රදේශයේ ජනතාවගේ පැසසුමට ලක්වී ඇත.